17.250
Fjöldi notenda sem fékk þjónustu
frá velferðarsviði árið 2020
3.175
Fjöldi starfsfólks velferðarsviðs
að meðaltali í mánuði árið 2020
38.614
Heildarrekstrargjöld velferðarsviðs
í milljónum króna árið 2020
Ávarp sviðsstjóra
Regína Ásvaldsdóttir
Árið 2020 var um margt viðburðaríkt en það er varla hægt að fjalla um árið á velferðarsviði án þess að fara rakleiðis í að tala um Covid-19. Veiran hafði djúpstæð áhrif á velferðarsvið, sem enn sér ekki fyrir endann á.
Strax í upphafi árs kom neyðarstjórn velferðarsviðs saman og undirbjó jarðveginn. Við vorum því reiðubúin þegar fyrsta smitið greindist í landinu. Fátt gat þó búið okkur undir þá miklu varnarbaráttu sem framundan var. Á meðan samfélagið var í hægagangi á löngum tímabilum jókst álagið á starfsfólk í velferðarþjónustu, sem þurfti að hlaupa hraðar, taka á sig aukna ábyrgð og veita fjölbreyttari þjónustu en áður.
Velferðarráð Reykjavíkurborgar
Velferðarsvið Reykjavíkurborgar starfar í umboði velferðarráðs. Árið 2020 sátu í velferðarráði þau Heiða Björg Hilmisdóttir formaður, Elín Oddný Sigurðardóttir varaformaður, Alexandra Briem, Aron Leví Beck, Egill Þór Jónsson, Kolbrún Baldursdóttir, Ragna Sigurðardóttir, Sanna Magdalena Mörtudóttir og Örn Þórðarson.
Velferðarráð hélt 22 formlega fundi á árinu 2020, þar af tvo opna fundi í morgunfundaröðinni Velferðarkaffi.
Þjónusta
Nokkrar lykiltölur í þjónustu velferðarsviðs 2020
Covid-19 og velferðarsvið
Snemma árs 2020 hélt Covid-19 innreið sína í íslenskt samfélag. Í aðdraganda þess hafði velferðarsvið stofnað neyðarstjórn með sérhæfðum undirteymum. Frá upphafi var höfuðáhersla lögð á ítrustu sóttvarnir og leiðarljósið að skerða þjónustu sem allra minnst.
Gildi velferðarsviðs
Virðing
Við berum virðingu fyrir öllum þeim sem við eigum í samskiptum við. Við fögnum fjölbreytileika og komum fram við fólk eins og við viljum að komið sé fram við okkur.
Virkni
Við viljum að allir geti tekið þátt í samfélaginu á eigin forsendum. Við vinnum að því að efla frumkvæði og sjálfstæði notenda og starfsfólks velferðarþjónustu.
Velferð
Við erum leiðandi í umræðu um velferðarmál og lífsgæði borgarbúa. Við vinnum að lausnum og veitum skilvirka velferðarþjónustu sem tekur mið af þörfum hvers og eins.
